BIZIRAUPENA GAZA
2000ko irailean Bigarren Intifada lehertu zenetik, Gazan bizirautea gero eta zailagoa da, eta lurralde horretako egoera sozio-ekonomikoak okerrera egin du etengabe. Israelek 2007ko ekainetik ezarritako blokeo politikak inoiz ez bezalako pobrezia-mailara eraman du eremu hori. Zailtasun horiei behin eta berrizko erasoak gehitu behar zaizkie: 2008ko abenduaren eta 2009ko urtarrilaren bitarteko gatazka, hondamendi ikaragarria eragin zuena, 2012ko azaroko Israelen eraso suntsitzailea, eta, azkena eta denetan okerrena, 2014ko erasoa.
Gazako biztanleriaren % 80 UNRWAren larrialdietarako laguntzaren mende dago, eta % 59, berriz, elikadura-segurtasunik gabeko egoeran dagoen populazio gisa sailkatuta dago. Biztanleen % 58, gutxienez, pobreziaren mugaren azpitik bizi da, egunean dolar bat baino gutxiagorekin.
LAN EGIN GAZA-REKIN
UNRWAKO ERRONKA
Ia milioi bat pertsonaren elikagaien segurtasunean eragin positiboa izateko helburuarekin, UNRWAk Gazako Zerrendan egindako ekintza nagusietako bat elikagaien laguntza banatzea da, urtean 4 txandatan zehar. Agentziak banatzeko aukeratutako elikagaiak familien oinarrizko saskiaren zati dira eta kaloria-kontsumo handia ematen diete: arroza, ekilore olioa, irina, haragi kontserbak, sardinak, etab.
Laguntza hau, ehunka mila pertsonen biziraupenaren mende dagoena, arriskuan jartzen ari dira Donald Trumpen gisako ekimenak, behin betiko eten baititu AEBek UNRWAri emandako ekarpenak, ondorio latzak izan zituen erabakia.
