Palestinar errefuxiatuen tragedia 1948an hasi zen. Urtebete geroago, UNRWA sortu zen, gatazkak kaltetutako herritarrei laguntzeko.  Herritar horiek beren etxeak eta bizimoduak galdu baitzituzten egun batetik bestera.  UNRWAk milioika pertsonari laguntzeko konpromisoa du. Izan ere, gure laguntzarik gabe, oinarrizkoena ere faltako lukete pertsona horiek: elikagaiak, aterpea, osasuna, hezkuntza, babesa… eta, garrantzitsuena, duintasuna.

Gaur egun, 5,6 milioi pertsona bizi dira Siriako gatazka betean setiatutako kanpamentuetan, militarrek blokeatutako guneetan, bonbardaketek suntsitutako hirietan, bizitza duina izateko gutxieneko baldintzak betetzen ez dituzten kanpadendetan, laguntza humanitarioa iristeko zailak diren lekuetan… Horrelako tokietan bizi dira palestinar errefuxiatuak, duela 70 urte baino gehiago sortutako gatazka politiko batek ustekabean harrapatu zituenetik.

Ordutik, UNRWAren lana errefuxiatuei babesa eta laguntza bermatzea izan da, baita giza garapen osoa erdiesten laguntzea ere, egoerari irtenbide bidezkoa eta behin betikoa ematea lortu arte.