UNRWA Euskadik Palestinako Emakumeak. Bizitzaren aldeko ahotsak hitzaldia antolatu du datorren urriaren 7rako Hernaniko Emakumeen Etxean.
Topaketa honetan Abeer Al Butmeh ingurumen-ingeniariak hartuko du parte, “Ingurumenaren Defentsarako Palestinako GKEen Sarearen” (PENGON-Friends of the Earth Palestine) koordinatzailea. Gainera, tokiko eta nazioarteko gizarte eta ingurumen sare ugaritako kide aktiboa da. Bere lana ezagutuko dugu, Palestinako lurralde okupatuan egindako ingurumen-urraketak ikusaraztea, baita emakumeak ahalduntzea ere, energia berriztagarrien, uraren kudeaketaren eta nekazaritza jasangarriaren proiektuetan protagonista izan daitezen. Berarekin, okupazioaren eragina aztertuko dugu, eta ekozidioaren aurkako erresistentzia-estrategiak azalduko ditu, elikadura-subiranotasuna ardatz duten tokiko ekimen palestinarrak nabarmenduz.
🗓️ Asteartea, 2025eko urriak 7
⏰ Ordua: 18:30 h
📍 Lekua: Kulturarteko Plaza Feminista, Florida 28. Hernani
Zure zain gaude!
