UNRWA Euskadik Emakumeak krisi klimatikoaren aurrean: Begirada Palestinan solasaldira gonbidatu nahi zaitu. Solasaldia abenduaren 12an egingo da Zizurkilgo Atxulondo kultur etxean.
Solasaldi honetan Palestinako errefuxiatuen testuingurura gerturatuko gara, okupazioak baliabide naturalen ustiaketan duen eraginean azpimarra jarriz. Era berean, ingurumenaren aldaketei aurre egiteko emakume palestinarrek dituzten estrategiak ezagutzera emango ditugu. Gainera, Zehar-errefuxiatuekin elkarteko hizlari baten laguntzarekin, ingurumen-degradazioaren eta pertsonen mugimendu behartuen arteko erlazioari buruz hausnartuko dugu.
